Л. Филимонова - Святой Сергий Страница 3

Сапега и Лисовский поехали в Ростов Великий, к преподобному Иринарху, в его обитель – Борисоглебский монастырь. Как известно, место указал Иринарху сам преподобный Сергий. Так вот, преподобный Иринарх сразу сказал захватчикам: «Уходите из России. Все равно вы потерпите поражение и уйдете с позором». Они не поверили. «Как это так? У нас такое войско, как это мы уйдем? Кто нас может победить?» «Преподобный Сергий», – отвечал старец Иринарх.

Именно преподобный Сергий явился новгородскому купцу Козьме Минину и повелел собирать народное ополчение.

Другой случай явного заступничества святого Сергия за Россию был в 1812 году, когда новые захватчики, теперь уже французы, вошли в Россию, хозяйничали в Кремле. Москва, подожженная самими москвичами, горела. «Что это за победа, – растерянно говорил Наполеон, – если нет побежденных?»

Он вышел на площадь перед Успенским собором и вздрогнул: со стороны Воробьевых гор шли три несметных войска. Они как будто шли по воздуху. «Я вижу их вождя! – в страхе закричал Наполеон. – Он весь в черном. Он монах, он с крестом. Седые волосы, седая борода. Кто он?»

Привели к императору пойманного русского старика. Старик, услышав о небесном войске, сразу сказал: «Это преподобный Сергий». – «А можно видеть его изображение?» – «Да. В каждой русской церкви».

Наполеон тут же пошел в Благовещенский собор. Ему указали на икону преподобного. «Да, это он! – в страхе закричал император. – Что же это за народ, если их армию водят святые! Коня мне, коня!»

Привели коня. Император вскочил и в страхе бежал из Москвы. И из России. К своему бесславному концу.

«Дивен Бог во Святых Своих! – восклицаем мы. – Дивен в преподобном Сергии». Какое счастье, что у нас такой небесный заступник, ангел Русской земли, нашей любимой России.

Владимир Крупин

Акафист святому преподобному Сергию Радонежскому

Кондак 1

Возбра́нный от Царя́ сил, Го́спода Иису́са, да́нный Росси́и воево́до и чудотво́рче преди́вный, преподо́бне о́тче Се́ргие! Прославля́юще мы просла́вльшаго тя сла́вы Го́спода, благода́рственное пе́ние воспева́ем ти, и́бо моли́твами твои́ми от наше́ствия иноплеме́нник и ско́рбных обстоя́ний нас при́сно избавля́еши, я́ко име́я дерзнове́ние ко Го́споду, от вся́ких нас бед свободи́, да зове́м ти:

Ра́дуйся, Се́ргие, ско́рый помо́щниче и пресла́вный чудотво́рче.

Икос 1

Ангелов Творе́ц, предуве́девый, по самовла́стному чи́стаго се́рдца твоего́ изволе́нию, всеусе́рдствующее Его́ во́ли исполне́ние, еще́ во чре́ве ма́терни трикра́тным возглаше́нием, показа́ тя ми́ру и́стиннаго служи́теля бы́ти Святы́я Тро́ицы и научи́ всех вопи́ти тебе́ си́це:

Ра́дуйся, пре́жде век, я́ко и́маши ве́рный раб Христо́в бы́ти, предусмо́тренный; ра́дуйся, во о́ноже вре́мя во блаже́нное и небе́сное жили́ще предуста́вленный.

Ра́дуйся, от чре́ва ма́терня на слу́жбу Небе́снаго Царя́, я́ко во́ин, хотя́щий ве́рен Ему́ бы́ти, призва́нный; ра́дуйся, я́ко благода́тию Божи́ею оправда́нный.

Ра́дуйся, не то́чию Росси́и, но и всей вселе́нней просла́вленный; ра́дуйся, трикра́тным твои́м во чре́ве возглаше́нием роди́телей и всех слы́шащих удиви́вый.

Ра́дуйся, по рожде́нии свое́м по́стное и́ноческое житие́ показа́вый; ра́дуйся, от сосца́ ма́терня воздержа́ние чу́дное яви́вый.

Ра́дуйся, я́ко в сре́ду и пято́к млека́ ника́коже вкуси́вый; ра́дуйся, ро́дителей благи́х до́брый и избра́нный пло́д.

Ра́дуйся, ра́дости скорбя́щим и ми́лости с ве́рою у тебе́ прося́щим пода́телю; ра́дуйся, печа́лей злых во вся́ких приключе́ниих отгони́телю.

Ра́дуйся, Се́ргие, ско́рый помо́щниче и пресла́вный чудотво́рче.

Кондак 2

Ви́дящи вся Росси́я и ины́я страны́ да́нною тебе́, Преподо́бне о́тче Се́ргие, благода́тию Бо́жиею с ве́рою к святы́м твои́м моще́м приходя́щим и ско́рое вспоможе́ние, и при́сное пресла́вное чуде́с творе́ние, удивля́ются. И мы вси, веселя́щеся, я́ко име́ем такова́го ми́лостиваго помо́щника, Просла́вльшаго тя прославля́юще и тя, блага́го раба́ и ве́рнаго слугу́ Госпо́дня, восхваля́юще, вопие́м Ему́: Аллилу́иа.

Икос 2

Ра́зум, еще́ су́щу ти во чре́ве ма́терни, Святу́ю Тро́ицу просла́вити Иису́с Христо́с дарова́вый, и ве́ру кре́пкую, наде́жду несумне́нную, любо́вь и́стинную к Нему́ име́ти утверди́вый, сподо́би тя во Имя Святы́я Тро́ицы пресла́вный храм и оби́тель чу́дную устро́ите, и во о́ну мно́жество и́нок собра́ти. Сего́ ра́ди ве́рнии научи́шася воспева́ти тебе́ та́ко:

Ра́дуйся, честно́е Пресвяты́я Тро́ицы носи́ло и похвале́ние; ра́дуйся, до́бре ста́до, тобо́ю со́бранное, во спасе́ние наставля́яй.

Ра́дуйся, честны́й о́бразе а́гнцем и па́стырем; ра́дуйся, пра́вило ве́ры и о́бразе кро́тости духо́вныя.

Ра́дуйся, святы́ням чи́стое и непоро́чное жили́ще; ра́дуйся, еще́ в жи́зни сподо́бивыйся ви́дети Пресвяту́ю Богоро́дицу со двема́ апо́столома.

Ра́дуйся, удосто́ивыйся во вре́мя соверше́ния литурги́и сослуже́ния а́нгельскаго; ра́дуйся, во святу́ю литурги́ю в благода́ти Бо́жией весь а́ки во огни́ стоя́щий.

Ра́дуйся, о́ным Боже́ственным огне́м, в поти́р вше́дым, причасти́выйся; ра́дуйся, досто́ин бы́вый а́нгельскаго собесе́дования.

Ра́дуйся, преиспо́лненный вся́кия благосты́ни; ра́дуйся, чистоты́ ду́шевныя и теле́сныя усе́рдный храни́телю.

Ра́дуйся, Се́ргие, ско́рый помо́щниче и пресла́вный чудотво́рче.

Кондак 3

Си́лою, да́нною ти свы́ше, бу́дущая я́ко настоя́щая созерца́я, возвеща́л еси́ и вели́кому кня́зю Дими́трию о побе́де многочи́сленных прего́рдых ага́рян, хотя́щих Росси́ю огне́м и мече́м опустоши́ти, проре́кл еси́, и от своего́ и́ноческаго ли́ка двух мона́хов на проти́вных в по́мощь дал еси́, и моли́твою твое́ю свято́ю к Бо́гу вы́ну вопия́, на ага́ряны побе́ду сотвори́л еси́. За е́же тя прославля́юще, и о таково́й же твое́й на сопроти́вных правосла́вному во́инству по́мощи прося́ще, Бо́гу вопие́м: Аллилу́иа.

Икос 3

Иму́ще помышле́ние роди́телие твои́ и лю́дие о трикра́тном твое́м во чре́ве ма́тернем в це́ркви глаше́нии и уди́вльшеся, разуме́ша не́что пресла́вное и чу́дное бы́ти: и по сих уве́девше твое́ ра́достное рожде́ние, ра́довахуся и ра́достная тебе́ приноша́ху, глаго́люще:

Ра́дуйся, отроча́ добродуше́вное и благонаде́жное; ра́дуйся, де́тище, вся́кия благода́ти Бо́жия испо́лненное.

Ра́дуйся, пречу́дное в младе́нчестве по́стничество нам явля́яй; ра́дуйся, о́ным мно́гих приводя́й во удивле́ние и увеселя́яй.

Ра́дуйся, я́ко с тобо́ю всегда́ бе благода́ть Госпо́дня; ра́дуйся, от ю́ности твоея́ всем се́рдцем и мы́слию Бо́га возлюби́вый.

Ра́дуйся, кро́тость, смире́ние и бде́ние име́вый; ра́дуйся, вся ми́ра сего́ кра́сная, я́ко ско́ро исчеза́ющая, презре́вый.

Ра́дуйся, вся плотски́я по́хоти Бо́га ра́ди умертви́вый; ра́дуйся, многообра́зныя ко́зни лука́ваго си́лою Бо́жиею победи́вый.

Ра́дуйся, мно́гая лю́ди от грехо́внаго пути́ ко Го́споду обрати́вый и спасы́й; ра́дуйся, я́ко тобо́ю сла́достей духо́вных исполня́емся.

Ра́дуйся, Се́ргие, ско́рый помо́щниче и пресла́вный чудотво́рче.

Кондак 4

Бу́ри жити́я ми́ра се́го, при́сно вну́тренними и вне́шними злострада́нии волну́ющагося, Преподо́бне о́тче Се́ргие, изба́вився, прише́л еси́ во приста́нище немяте́жное небе́сное, на места́ зла́чна и прохла́дна, иде́же пото́цы сла́дости неисповеди́мые, пи́ща сла́вы Бо́жия нетле́нная, пе́ния и гла́сы пра́зднующих. Та́мо почива́еши и весели́шися, со все́ми а́нгельскими си́лами поя́ Бо́гу: Аллилу́иа.

Икос 4

Слы́шаша, Преподо́бне о́тче Се́ргие, бли́жнии и да́льнии ангелоподо́бное твое́ житие́, и благода́ти чуде́с струю́ вы́ну теку́щую, я́ко моли́твою твое́ю прокаже́ннии очища́ются, слепи́и прозира́ют, хроми́и хо́дят и разнообра́зных неду́г с ве́рою притека́ющии здра́вие улуча́ют, сих изба́вльшеся вопия́ху к тебе́ такова́я:

Ра́дуйся, мирова́рнице, на вся неду́ги врачева́ние подава́ющая; ра́дуйся, безме́здно па́че естества́ врачу́ скороми́лостивый.

Ра́дуйся, ми́лости превели́кия и ско́рбным сострада́ния сокро́вище; ра́дуйся, всеусе́рднаго о лю́дех промышле́ния прия́телище.

Ра́дуйся, ду́шу свою́ за челове́ки положи́ти гото́вый; ра́дуйся, увесе́ление и отра́да к тебе́ прибега́ющим.

Ра́дуйся, мертвеца́ пресла́вно моли́твою твое́ю оживи́вый; ра́дуйся, оскуде́ние монасты́рское в пи́щи испо́лнивый.

Ра́дуйся, на су́се ме́сте пото́к во́дный тещи́ у Бо́га испроси́вый; ра́дуйся, я́ко та́яжде вода́, моли́твою твое́ю исцеля́ющи неду́ги, чудоде́йствует.

Ра́дуйся, чуде́с пучи́но, Бо́гом излия́нная; ра́дуйся, жела́емых благ прише́дшим к тебе́ пода́телю.

Ра́дуйся, Се́ргие, ско́рый помо́щниче и пресла́вный чудотво́рче.

Кондак 5

Боготе́чная пресве́тлая звезда́ яви́лся еси́, Преподо́бне о́тче Се́ргие, не́бо церко́вное украша́яй из всех блудя́щих по мо́рю стра́стнаго жития́ сего́ да́нною тебе́ от Со́лнца Пра́вды Христа́ Иису́са, и́стиннаго Бо́га, благода́тию озаря́яй, мрак печа́лей и мглу вся́ких неду́г и скорбе́й прогоня́яй, наставля́еши всех к тебе́ с ве́рою притека́ющих на путь спасе́нный, к ве́чному Небе́сному Оте́честву веду́щий, пою́щих Бо́гу: Аллилу́иа.