Амвросий Фонтрие - Святитель Нектарий Эгинский. Жизнеописание Страница 38

Кондак 11

Пение Богоматери приносил еси, угодниче Божий, Материю Света Деву именуя, ныне же совершене просветился еси разумением тайны воплощения, вознося горе глас: Аллилуиа.

Икос 11

Светом божественныя славы просвещаема зрим тя, Нектарие, в чертозе славы: просвети одеяние душ наших Троическим сиянием, да воспеваем ти непрестанно:

Радуйся, каменю драгий Царевы диадимы; радуйся, молние Носимаго на Серафимех.

Радуйся, яко светла заповедь, просветившая очи твоя; радуйся, яко возлюбил еси ю паче злата и топазия.

Радуйся, сребро разжжено, очищено седмерицею; радуйся, гусли духовныя, Спасова цевнице.

Радуйся, в сердцы имя Божие написавый; радуйся, любовию подвиг веры оправдавый.

Радуйся, святыню Духа носивый в бреннем телеси; радуйся, освятивый души, растленныя страстьми.

Радуйся, праведностию, аки виссоном убеленный; радуйся, Троицы познанием озаренный.

Радуйся, Нектарие, Архиерею Божий.

Кондак 12

Благодать, от Бога ти данную, умножая умножил еси, рабе Божий, благий и верный Нектарие, темже и нас куплю духовную деяти сотвори, да обретше лихву, Христу воспоим: Аллилуиа.

Икос 12

Поюще твоя чудеса, пречудне Нектарие, вемы, яко Христос в тя богатно вселися, сего ради чудодейну десницу Его на нас низведи, глаголющих сице:

Радуйся, преемниче древних отцев; радуйся, новый угодниче Христов.

Радуйся, Великия Церкве красото; радуйся, всемирная надеждо.

Радуйся, себе уничиживый, Богом прославленный; радуйся, в последних ходивый, первым поставленный.

Радуйся, дела обители точию знавый, егоже знает вселенная; радуйся, чуждый дольния славы, небесною мздою почтенный.

Радуйся, иже по кончине недвижим лежай, недужна восстави; радуйся, иже многим явивыйся, плач о кончине устави.

Радуйся, две златницы, монашества и священства, от Бога получивый; радуйся, с лихвою цельбы и чудес злато Христу возвративый.

Радуйся, Нектарие, Архиерею Божий.

Кондак 13

О, священная главо, дивный врачу, Архиерею Божий Нектарие! Приими ныне малое, обаче теплое моление чад твоих, благодати, сущей в тебе, верующих. Даруй нам недугов исцеление н от вечныя избави погибели, да Христу Спасу нашему взываем с радостию: Аллилуиа.

(Сей кондак читается трижды, затем 1-й икос и 1-й кондак)

Молитва святителю Нектарию, Эгинскому чудотворцу

О, мироточивая Главо, Святителю Нектарие, Архиерею Божий! Во времена великаго отступления, нечестию мир пленившу, благочестием просиял еси и главу прегордаго денницы, уязвляющаго нас, сокрушил еси. Сего ради дарова ти Христос врачевати язвы неисцельны, за беззакония наша нас поразившия. Веруем: возлюби тя Бог праведнаго, да тебе ради нас, грешных, помилует, от клятвы разрешит, от недуг избавит, и по всей вселенней страшно и славно будет имя Его, Отца и Сына и Святаго Духа, ныне и присно и во веки веков. Аминь.

Молитва иная

О, Святителю Нектарие, отче Богомудрый! Приими, блюстителю веры православныя, исповедание устен людей христоименитых, собранных днесь в храме благодатию Божиею, в тебе живущею. Весть бо достиже до предел Российских, яко ты, великий во святых угодниче Христов, во всех концех вселенныя призывающим имя твое являешися и от раковыя болезни исцеление даруеши.

Слышахом об иерее, тебе тезоименитом и храм во имя твое созидавшем, со скорбьми велиими. Раковою убо язвою грудною поражен бе, крови на всяк день точащейся, и страждаше люте; дела же своего святаго не оставляше.

Внезапу ты, Святителю многомилостиве, с небесе сшед, ему во храме предстал еси в видимом образе. Он же, непщуя тя собрата, едина от смертных быти, прошаше молитв твоих и рече: «Боляй есмь вельми, обаче хощу святый олтарь наздати, да поне единожды святую Литургию вкупе с прихожаны совершу; послежде н умрети готов есмь, смерть бо мя не страшит».

Ты же, отче, безплотен сый, слезами лице свое орошаше! и объем страдальца, лобызаше и глаголя: «Не тужи, чадо мое, яко, болезнию испытан, здрав будеши. Вси убо о чудеси сем ведати имут». Он же, исцелен быв, абие разуме, с кем беседоваше, тебе невидиму бывшу.

О, великий угодниче Христов Нектарие! Храм оный свершен есть ныне и чудеса твои, аки море преизливающееся, умножишася! Мы же познахом, яко молитве праведника должно поспешествуемой быти усердием нашим к службе Божией и решимостию за Христа умирати, да здрави обрящемся. Молят тя, отче праведный, болящая чада твоя: да свершается с нами воля Божия, благая, угодная и совершенная, не хотящи смерти грешнику, но еже обратитися и живу быти ему.

Ты же, провозвестниче воли Божией, исцели ны благодатным явлением своим, да велик будет Бог на небеси и на земли во веки веков! Аминь.

Тропарь, глас 1

Силиврии отрасль и Эгины хранителя, в последняя лета явльшагося, добродетели друга искренняго, Нектария почтим вернии, яко божественнаго служителя Христова: точит бо цельбы многоразличныя благочестно вопиющим: слава Прославльшему тя Христу, слава Давшему ти чудес благодать, слава Действующему тобою всем исцеления.

Святителю отче Нектарие, моли Бога о нас!

Примечания

1

Имеется в виду Византийская империя.

2

Здесь и далее под “Русским Странником” подразумевается повествователь “Откровенных рассказов странника своему духовному отцу”.

3

Совр. геогр. название — залив Сароникос.

4

Вероятно, имеется в виду остров Скопелос, к северу от о. Эвбея.

5

Пусть никого не смущает факт такого “необычного” решения Святителя. Речь здесь идет не столько о “новаторстве” или “модернизме”, сколько — о возвращении к традициям глубокой христианской древности. Так, например, в толковании на 15-е правило IV Вселенского Собора говорится, что посвящавшиеся в диакониссы женщины (они должны были быть не моложе 40 лет и непременно — сохраняющие свое целомудрие) имели право носить диаконский орарь обоими концами вперед и причащаться после диаконов. При этом, приняв Чашу из рук архиерея, они сами ставили ее затем на престол. Впоследствии, правда, институт диаконисс был упразднен. И потому, конечно, действия Святителя не должны быть в данном случае примером для подражания — ибо он имел несомненное удостоверение в правильности своего поступка от Самого Бога и Его Пречистой Матери. Дерзать же на подобное “возрождение древних традиций” самочинно было бы и неразумно, и погрешительно.